Sumqayıt, Bakı və Gəncə şəhərlərində ən təhlükəli vəziyyətdə olan binaların sayı açıqlanıb. Bu haqda 15 mart tarixində Sumqayıt24 Report.az-a istinadən məlumat verir.
Baş nazir Əli Əsədov Milli Məclisin plenar iclasında bildirib ki, son illərdə respublikanın 12 şəhər və rayonlarında qəzalı binaların sökülərək yeni binaların tikintisinə və ya sakinlərə maddi yardımların verilməsinə 44,7 milyon manat vəsait ayrılıb.
“26 binada yaşayan 971 ailənin mənzil-məişət şəraiti yaxşılaşdırılıb. Bu istiqamətdə Prezidentin tapşırığına uyğun olaraq, Bakı, Gəncə və Sumqayıt kimi iri şəhərlərdə ən təhlükəli vəziyyətdə olan 69 bina (2886 ailə) ilə bağlı tədbirlərin həyata keçirilməsi üçün 50 milyon manat vəsait ayrılıb. Növbəti 3 ildə bu istiqamətdə işlər davam etdiriləcək”, – deyə Əli Əsədov əlavə edib.
