General Məhəmməd Əsədov adına inteqrasiya təlimli internat tipli gimnaziyada rəsm festivalı keçirilib. Sumqayıt24 bu haqda 28 may tarixində xəbər verir.
"Müstəqilliyimiz daimidir” mövzusunda tədbirdə sağlamlıq imkanları məhdud şagirdlər iştirak ediblər. Abşeron–Xızı Regional Təhsil İdarəsinin müdiri İlhamə Abdullayeva da uşaqların istedadlarını izləyib.
Şagirdlər canlı şəkildə rəsm çəkib, vətənpərvərlik mövzusunda mahnılar və şeirlər səsləndirib, səhnəciklər nümayiş etdiriblər.
Festivalın sonunda münsiflər heyəti əl işlərindən ibarət sərgiyə baxış keçirib. Sonra isə müəllim və şagirdlərin qayğıları ilə maraqlanılıb.
