Sumqayıt Dövlət Rəsm Qalereyasında “Yurdumuza bahar gəlir!” adlı festival keçiriləcək. Bu haqda 14 mart tarixində Sumqayıt24 xəbər verir.
Novruz bayramına həsr olunmuş festival martın 15-də saat 14:00-da baş tutacaq. Tədbirdə bayram atributları, milli adət-ənənələrimiz, qədim tarixə malik dulusçuluqdan, mis məmulatlarından, rəsm əsərlərindən ibarət sərgi nümayiş olunacaq. Burada, həmçinin dekorativ tətbiqi sənət ustalarının əl işlərindən ibarət satış-sərgi təşkil ediləcək.
Bayram tədbirinə şəhərimizin sakinləri və qonaqları dəvət olunurlar.
