Birinci Qarabağ müharibəsi şəhidinin anım tədbiri olub. Sumqayıt24 bu haqda 15 aprel tarixində Report.az-a istinadən xəbər verir.
Əhməd Məmmədovun şəhadətə ucalmasının 30-cu ildönümüdür. Mərasim Sumqayıt şəhərində yerləşən N. Nərimanov adına Mədəniyyət Evində keçirilib.
Tədbirdə şəhidin doğmaları və yaxınları, millət vəkilləri, Sumqayıt Şəhər İcra Hakimiyyətinin əməkdaşları, şəhid ailələri, qazilər və ictimaiyyət nümayəndələri iştirak ediblər. Onlar Əhməd Məmmədovun həyat və döyüş yolundan bəhs edən "Şəhid Əhməd: Oğluma məktub" sənədli filmini izləyiblər.
Qeyd edək ki, Əhməd Məmmədov 1 aprel 1959-cu ildə Cəbrayıl rayonunun Hacılı kəndində doğulub. 1993-cü ildə, Cəbrayılın işğalından sonra könüllü Milli Ordu sıralarına qoşulub. Sumqayıt batalyonunun tərkibinə qatılıb. Ona ailəli və üç övladı olması səbəbindən arxa cəbhədə qalmasını təklif etsələr də, razılaşmayıb. “Qarabağ kişilər yurdudur və onlar da onu qorumalıdır”, – deyərək cəbhəyə yollanıb. Həmin ilin 11 aprel tarixində Ağdam rayonu uğrunda döyüşlərdə qəhrəmancasına şəhid olub.
Şəhidimiz Sumqayıt Şəhidlər xiyabanında torpağa tapşırılıb.
