Sumqayıtda “Sənə xidmətdən qürur duyuruq, Vətən!” layihəsi çərçivəsində "Sizi xatırladır..." adlı sərgi-tədbir keçirilib. Bu haqda 2 mart tarixində Sumqayıt24 Azərtac-a istinadən məlumat verir.
Vətən müharibəsi şəhidlərinə həsr olunan tədbir Sumqayıt Poeziya Evində baş tutub. Sərgi şəhidlərin xatirəsinin bir dəqiqəlik sükutla yad edilməsi ilə başlayıb. Sonra Dövlət Himni səsləndirilib.
Çıxış edənlər layihənin məqsədi və əhəmiyyətini vurğulayıblar. İştirakçılar sərgi ilə tanış olublar. Eksponatlar arasında 30 şəhidin 100-ə yaxın şəxsi əşyaları nümayiş etdirilib.
Tədbir Sumqayıt şəhər H.Zeynalabdin qəsəbə Ə.Bakıxanov adına 1 nömrəli Uşaq İncəsənət Məktəbi kollektivinin ifasında musiqi nömrələri ilə davam edib.
