Sumqayıtda "Şahin" hərbi idman oyunlarının məktəbdaxili yarışları keçirilib. Bu haqda 29 fevral tarixində Sumqayıt24 Abşeron-Xızı Regional Təhsil İdarəsinə istinadən məlumat verir.
Hərbi rəhbər, qazi polkovnik-leytenant Saruxan Saruxanovun rəhbərliyi ilə təşkil olunan yarışlar M.Füzuli adına 15 nömrəli məktəbdə baş tutub.
Yarışlar Hərbi Polis İdarəsinin 2-ci Hərbi Polis Bölməsinin qulluqçuları – kapitan Qasım Hacıyev, çavuş Fərhad Kərimov, kiçik çavuş Ruslan Vəliyev və komissiya üzvləri – təşkilatçı Elyanura Muradəliyeva, fiziki tərbiyə fənni üzrə metodbirləşmə rəhbəri Ruslan Səmədov, tibb bacısı Yeganə Xəlilova tərəfindən izlənilib.
Sonda qaliblər Fəxri Fərmanla təltif ediliblər.
