Ölümlə nəticələnən qəza törədən T. İbrahimovun məhkəmə istintaqı yekunlaşıb. Sumqayıt24 bu haqda 17 aprel tarixində Pravda.az-a istinadən xəbər verir.
Abşeron Rayon Məhkəməsinin hakimi Sevinc Quliyevanın sədrliyi ilə keçirilən prosesdə hökm oxunub. Qərara əsasən, o, 3 il 6 ay müddətinə həbs olunub. İbrahimov cəzasını məntəqə tipli cəzaçəkmə müəssisəsində çəkəcək.
Hadisə 31 iyul 2023-cü ildə Saray qəsəbəsində baş verib. 1986-cı il təvəllüdlü Quba rayon sakini T. İbrahimovun sürdüyü "Range Rover" markalı avtomobil Abşeron rayon Kommunal Xidməti İdarəsinin "Ford" markalı yük maşını ilə toqquşub. Nəticədə "Ford" aşıb və 1983-cü il təvəllüdlü sərnişin Elman Həzrətquliyev ölüb.
