Sumqayıt Dövlət Universitetində “Abituriyent Məsləhət Mərkəzi” yaradılıb. Sumqayıt24 bu haqda 6 mart tarixində Dövlət İmtahan Mərkəzinə (DİM) istinadən xəbər verir.
Mərkəzdə xüsusi treninq keçmiş əməkdaşlar abituriyentlərə tələbə qəbulu qaydaları, ali və orta ixtisas təhsili müəssisələrinə ərizə qəbulu, “Abituriyentin elektron ərizəsi”nin doldurulma və təsdiq edilmə qaydası, bu zaman qarşıya çıxa biləcək texniki məsələlərin həlli, müsabiqə şərtləri, ixtisas seçimi zamanı diqqət yetirilməli olan məsələlər və s. haqqında ödənişsiz köməklik göstərəcəklər.
“Abituriyent Məsləhət Mərkəzi” həftənin 5 günü (şənbə, bazar və bayram günləri istisna olmaqla) saat 10:00-dan 17:00-dək fəaliyyət göstərir.
