Sumqayıt Dövlət Universitetində (SDU) müəllim və əlaçı şagirdlərlə görüş keçirilib. Bu haqda 29 aprel tarixində Sumqayıt24 SDU-ya istinadən məlumat verir.
Görüş ali təhsil müəssisənin və "İZƏ" nəşriyyatının birgə təşkilatçılığı ilə baş tutub. Burada SDU-nun Sosial məsələlər və ictimaiyyətlə əlaqələr üzrə prorektoru dosent Elmar Xəlilov, universitetin Karyera və Məzunlarla iş Mərkəzinin direktoru Nəsibə Əmirbəyova, Abşeron–Xızı Regional Təhsil İdarəsinin şəhər təhsil sektorunun müdiri İman Ağayev, "İZƏ" nəşriyyatının direktoru Orxan Bəyov iştirak ediblər.
Prorektor dosent Elmar Xəlilov çıxış edərək universitet haqqında ətraflı məlumat verərək görüşün əhəmiyyətindən və təhsilin mahiyyətindən danışıb. Sonra SDU-nun və "İZƏ" nəşriyyat evinin videoçarxı nümayiş olunub.
Tədbirin sonunda əlaçı şagirdlər mükafatlandırılıblar. Şagirdlər üçün müxtəlif əyləncəli proqramlar təşkil edilib.
