Sumqayıt Dövlət Universitetində (SDU) Novruz tədbiri keçirilib. Bu haqda 16 mart tarixində Sumqayıt24 SDU-ya istinadən məlumat verir.
Tədbir ali təhsil müəssisəsinin əsas tədris binasının həyətində professor-müəllim heyəti, əməkdaşlar və tələbələr, həmçinin SDU-nun əməkdaşlıq etdiyi müəssisələrdən olan qonaqların iştirakı ilə baş tutub.
Rektor Rüfət Əzizov tədbirdə iştirak edən hər kəsi qarşıdan gələn Novruz bayramı münasibətilə təbrik edib və xoş arzularını çatdırıb.
Daha sonra bayram tonqalı qalanıb. Konsert proqramı ilə davam edən bayram tədbiri Novruz personajlarının iştirakı, qonaq müğənnilərin və istedadlı tələbələrimizin ifaları, universitetin “Səma” rəqs qrupunun rəngarəng rəqsləri ilə yadda qalıb.
