Sumqayıt Dövlət Universitetində “Əmanətlərin Sığortalanması Sisteminin Maliyyə Sabitliyində rolu” mövzusunda təlim keçirilib. Sumqayıt24 bu haqda 25 aprel tarixində xəbər verir.
Görüş Əmanətlərin Sığortalanması Fondu tərəfindən maliyyə xidmətləri təminatçılarının və mütəxəssislərin, əsasən də istehlakçıların maarifləndirilməsi, əmanətlərin qorunması ilə bağlı maliyyə savadlılığının yüksəldilməsi istiqamətində olub.
Təlimdə Fondun Risklərin İdarə Edilməsi, Təhlil və İnvestisiya Departamentinin baş mütəxəssisləri Fərid Kazımzadə, Əli Əhmədli, universitetin İqtisadiyyat və idarəetmə fakültəsinin müəllim və tələbələri iştirak ediblər.
Sonda mövzu ətrafında fikir mübadiləsi aparılıb, spikerlər iştirakçıların suallarını cavablandırıblar.
