Sumqayıt Dövlət Universitetində (SDU) üç ixtisas üzrə SABAH qruplarına qəbul aparılacaq. Sumqayıt24 bu haqda 29 may tarixində xəbər verir.
Həmin ixtisaslar “Kimya mühəndisliyi”, “Logistika və nəqliyyat texnologiyaları mühəndisliyi” və “Riyaziyyat və informatika müəllimliyi”dir.
SABAH qrupları xarici mübadilə proqramlarında iştirak imkanı, müasir müəssisə və şirkətlərdə ixtisas təcrübəsi, yeni məzmunlu proqramlar vasitəsilə tədrisin təşkili, ixtisas üzrə kompetensiyalara tam yiyələnmə, dərinləşdirilmiş xarici dilin tədrisi və tədrisdənkənar fəaliyyət imkanları yaradacaq.
