Sumqayıt Dövlət Universitetini (SDU) bitirdikdən sonra iş tapanların sayı açıqlanıb. Sumqayıt24 bu haqda 8 iyun tarixində xəbər verir.
“Məzunların məşğulluq reytinqi” platformasında qeyd olunur ki, 2018-2021-ci illərdə SDU-dan 3500-ə yaxın tələbə məzun olub. Onların tən yarısı işlə təmin olunub.
Həmin dövrdə ən çox məzunu olan ixtisaslar aşağıdakılardır:
- Azərbaycan dili və ədəbiyyatı müəllimliyi – 266 nəfər (99 nəfəri iş tapıb);
- Fizika müəllimliyi – 255 nəfər (101 nəfəri iş tapıb);
- Riyaziyyat müəllimliyi – 232 nəfər (84 nəfəri iş tapıb);
- Tarix müəllimliyi – 185 nəfər (47 nəfəri iş tapıb);
- Mühasibat uçotu və audit – 153 nəfər (101 nəfəri iş tapıb);
- Kimya mühəndisliyi – 144 nəfər (68 nəfəri iş tapıb);
- Menecment – 119 nəfər (68 nəfəri iş tapıb);
- Dünya iqtisadiyyatı – 118 nəfər (78 nəfəri iş tapıb);
- Fiziki tərbiyə və çağırışaqədərki hazırlıq (qızlar üçün fiziki tərbiyə) müəllimliyi – 110 nəfər (58 nəfəri iş tapıb);
- Elektroenergetika mühəndisliyi – 107 nəfər (40 nəfəri iş tapıb).
SDU məzunlarının çalışdıqları yerlər arasında ümumi təhsil müəssisələri, ixtisaslaşdırılmamış mağazalar, ümumi xarakterli dövlət idarələri üstünlük təşkil edir.
