Sumqayıt Dövlət Universitetinin (SDU) rektoru dosent Rüfət Əzizov şəhid ailələrinin üzvləri olan xanım əməkdaşlarla görüşüb. Bu haqda 6 mart tarixində Sumqayıt24 xəbər verir.
Beynəlxalq Qadınlar Günü ərəfəsində keçirilən görüşdə şəhidlərimizin əziz xatirəsi anılıb. Rektor xanımları bayram münasibətilə təbrik edib, onlara uzun ömür, cansağlığı arzulayıb. Görüşdə qəhrəman şəhidlərimizin göstərdikləri şücaətdən və Vətən müharibəsində əldə etdiyimiz tarixi Zəfərdən danışılıb.
