Sumqayıt-Bakı sürət qatarının hərəkət cədvəlində gecikmə müşahidə olunub. Bu haqda 25 dekabr tarixində Sumqayıt24 Report.az-a istinadən məlumat verir.
Bu gün saat 07:35-də Sumqayıtdan Bakıya yola düşməli olan qatar 17 dəqiqə gec – saat 07:52-də yola düşüb.
Həmçinin saat 07:45-də hərəkət etməli olan Sumqayıt-Bakı ekspres qatarı saat 08:01-də yola çıxıb.
“Azərbaycan Dəmir Yolları” QSC-nin məlumatına görə, gecikməyə səbəb güclü küləyin əsməsi nəticəsində cərəyan qəbuledici naqillərin zədələnməsi olub.
