Sumqayıt Dövlət Dram Teatrının aktyoru İlqar İbrahimovun 65 illik yubileyi qeyd olunub. Bu haqda 7 mart tarixində Sumqayıt24 xəbər verir.
Kollektivin rəhbərliyi tərəfindən keçirilən yığıncaqda sənət yoldaşları yubilyar haqqında ürək sözlərini bildiriblər. Çıxışlarda İlqar İbrahimovun zəhmətkeşliyi, nizam-intizamı, obrazlar üzərində məsuliyyətli işi vurğulanıb. Qeyd edilib ki, ilk əmək fəaliyyətinə Mingəçevir Dövlət Dram Teatrında başlayan aktyor 1998-ci ildən taleyini Sumqayıt teatrı ilə bağlayıb. Burada onlarla xarakterik obrazlar yaradıb.
Sonda yubilyara teatrın rəhbərliyi və MİHK tərəfindən Fəxri Fərman, habelə mükafat təqdim edilib.
