Ətraf mühitin mühafizəsinə həsr olunmuş "Save environment” yarışı keçirilib. Sumqayıt24 bu haqda 29 may tarixində xəbər verir.
"Greenwich academy”nin rəhbəri, ingilis dili müəllimi Vəfa Əmirahovanın Sumqayıt Olimpiya İdman Kompleksində təşkil etdiyi yarışa 25 şagird qatılıb. Onlar 4 komandaya – "Earth”, "White Tiger”, "Magnolia” və "Oxygen”ə bölünərək qüvvələrini sınayıblar.
Uşaqlar ətraf aləmin qorunmasının vacibliyi barədə danışıb, müxtəlif layihələr təqdim ediblər. Onların çıxışlarını Dillər Universitetinin Filologiya fakültəsi nəzdində Xarici dillərin tədrisi metodikası kafedrasının pedaqogika üzrə fəlsəfə doktoru dosent Mehparə Qəribova, həmin universitetin Təhsil-1 fakültəsi nəzdində Xarici dillərin tədrisi metodikası kafedrasının baş müəllimləri Vüsalə Əliyeva və Ülker Qəribovadan ibarət peşəkar münsiflər heyəti qiymətləndirib.
Sonda komanda üzvlərinə təltifnamələr verilib. Qalib şagirdlərə isə hədiyyələr paylanılıb.
