Sumqayıtda “Bizim seçilmişlər” adlı xatirə gecəsi keçirilib. Bu haqda 27 aprel tarixində Sumqayıt24 xəbər verir.
Tədbir Sumqayıt şəhidləri Abdulla Əhmədov, Əbil Cəbizadə və Rüfət Mustafayevin xatirəsinə həsr olunub. Mərasimdə Sənaye və Yüksək Texnologiyalar üzrə Dövlət Peşə Təhsil Mərkəzinin müəllim və tələbələri də iştirak ediblər.
Toplantıda Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Daha sonra hər üç şəhidin qısa və şərəfli ömür yolundan bəhs edən videoçarx təqdim edilib. Çıxış edənlər ərazi bütövlüyümüzün bərpasından danışaraq, şəhidlər haqqında xatirələrini bölüşüblər.
Sonda “Bayraq olan övladlar” adlı bədii kompozisiya təqdim olunub.
