Sumqayıt sakini şantaja görə tutulub. Sumqayıt24 bu haqda 4 aprel tarixində Qafqazinfo.az-a istinadən xəbər verir.
Bakıda 4 nəfər X. Qulamov (şərti ad) adlı vətəndaşı intim videosu ilə hədələyib. Kişi bununla bağlı Xəzər RPİ-yə müraciət edib. O bildirib ki, bir müddət əvvəl qadınla tanış olub və onunla intim münasibətdə olduğu zaman xəbərsiz videoları çəkilib.
Sonradan o, bir qrup şəxs tərəfindən həmin videolarla şantaj edilib, onlara görüntülərin yayılmaması müqabilində 3000 manat verib.
Keçirilən əməliyyat tədbirləri ilə Bakı və Sumqayıt şəhər sakinləri – 40 yaşlı Fəyaz Səlimov, 38 yaşlı Əli Məmmədov və dəstənin 2 qadın üzvü saxlanılıblar.
Faktla bağlı cinayət işi başlanılıb. Araşdırmalar aparılır.
