Bir ailənin 3 üzvü olan Sumqayıt sakinləri Hacıqabulda yol qəzasına uğrayıblar. Bu haqda 1 iyul tarixində Sumqayıt24 Report.az-a istinadən məlumat verir.
Hadisə Bakı-Qazax magistralının rayonun Atbulaq kəndi ərazisindən keçən hissəsində qeydə alınıb. Minik avtomobili idarəetmədən çıxaraq yoldakı maneəyə çarpılıb.
Qəza nəticəsində Sumqayıt şəhər sakinləri: 30 yaşlı Mirağa Həşimov, 53 yaşlı Reyhan Həşimova, 27 yaşlı Raya Həşimova və 45 yaşlı Bakı şəhər sakini Şəfiqə İsgəndərova müxtəlif dərəcəli xəsarətlər alıblar.
Yaralılar xəstəxanaya çatdırılıblar.
Faktla bağlı araşdırma aparılır.
