Sumqayıt Sosial Xidmət Kabineti 50-yə yaxın şəxsi sosial reabilitasiya xidmətləri ilə təmin edib. Sumqayıt24 bu haqda 5 iyun tarixində xəbər verir.
Kabinet 2022-ci ildə yaradılıb. Burada 18 yaşınadək əlilliyi olan uşaqlar psixoloq və loqoped tərəfindən proqrama cəlb olunurlar. Onlar üçün fərdi və qrup şəklində sosial reabilitasiya xidmətləri təşkil edilir.
Qeyd edək ki, kabinet Sosial Xidmətlər Agentliyinin Abşeron–Xızı Regional Filialında fəaliyyət göstərir. Hazırda 22 uşağın reabilitasiyası davam etdirilir.
