Sumqayıt Dövlət Dram Teatrında tamaşaya daxili baxış keçirilib. Sumqayıt24 bu haqda 15 iyun tarixində xəbər verir.
Əməkdar incəsənət xadimi Əli Əmirlinin Vətən müharibəsi mövzusunda "Xeyir xəbər" pyesinə gənc, istedadlı rejissor Fuad Cavadzadə quruluş verib. Tamaşanın bədii rəhbəri teatrın baş rejissoru, Xalq artisti, Prezident mükafatçısı Firudin Məhərrəmovdur.
Quruluşçu rəssam Nizami Dadaşev, musiqi tərtibatçısı Telman Qəniyevdir.
Rolları Əməkdar artist Elmira Kərimova, aktyorlar Habil Xanlarov, Məryəm Hüseynli, Elay Xasıyev, Şəmistan Süleymanlı, Akif Mirzəyev, Aynur Hümmətova və Siyavuş Mahmudov ifa edirlər.
Tamaşanın bədii şurada müzakirəsində müəllif Əli Əmirli, Əməkdar artistlər Fəranə Musayeva, Sədaqət Nuriyeva, İzaməddin Bağırov, Vidadi Məmmedov, Nadir Xasiyev, teatrın baş rəssamı Elşən Sərhanoğlu, aktyorlar Vəfa Qurbanova, Şəhla Məmmədova çıxış ediblər. Tamaşa bədii şura üzvləri tərəfindən qəbul olunub.
