Sabaha olan hava proqnozu açıqlanıb. Sumqayıt24 bu haqda 17 iyun tarixində xəbər verir.
Milli Hidrometeorologiya Xidmətindən bildirilib ki, Sumqayıtda iyunun 18-də havanın yağmursuz keçəcəyi gözlənilir. Cənub-qərb küləyini axşam şimal-qərb küləyi əvəzləyəcək.
Temperatur gecə 21-26, gündüz 32-37 dərəcə isti olacaq. Atmosfer təzyiqi 760 mm civə sütunu, nisbi rütubət gecə 60-70%, gündüz isə 40-45% təşkil edəcək.
Bundan əlavə, Sumqayıt və Novxanı çimərliklərində dəniz suyunun temperaturu 23-24 dərəcə olacaq.
