Sumqayıtda 5 mart – Bədən Tərbiyəsi və İdman Günü münasibətilə idman festivalı keçirilib. Bu haqda 5 mart tarixində Sumqayıt24 Abşeron-Xızı Regional Gənclər və İdman İdarəsinə istinadən xəbər verir.
Sumqayıt Olimpiya İdman Kompleksində təşkil olunan festivalda şəhərin idman təşkilatlarının rəhbərləri və kollektivləri, bədən tərbiyəsi və idman veteranları, dünya və Avropa yarışlarının mükafatçıları, idman növləri üzrə baş məşqçilər, əməkdar məşqçilər iştirak ediblər.
Tədbirdə idmanın milli güləş, minifutbol, basketbol, şahmat, nərd, gimnastika, cüdo, taekvondo, karate, qılıncoynatma növləri üzrə müxtəlif yaş qruplarında nümunəvi çıxışlar göstərilib. Sonda idmançıların iştirakı ilə fləş-mob nümayiş olunub.
Ümumilikdə festivala 500-dən çox iştirakçı cəlb edilib.
