Sumqayıt Tibb Mərkəzində (STM) növbəti uğurlu addım atılıb. Sumqayıt24 bu haqda 7 iyun tarixində xəbər verir.
Mərkəzin direktoru Elnur Azadxanov bildirib ki, 2 nömrəli Xəstəxanada ilk dəfə endoprotez əməliyyatı keçirilib:
“Qadın pasiyent üzərində həyata keçirilən sağ diz oynağının total artroplastikası (endoprotez) əməliyyatı icbari tibbi sığortanın Xidmətlər Zərfi çərçivəsində baş tutub.
Əməliyyat travmatoloq-ortopedlər Fuad Ağayev və Bəxtiyar Əliyev tərəfindən həyata keçirilib. Bu tip cərrahi ortopedik əməliyyatların başlanılması endoprotezləşmə üçün digər müəssisələrə yönəldilməni, əməliyyatlar üçün növbələri aradan qaldırmaqla, dövlət müəssisəsində həm Sumqayıt, həm də ətraf rayon, şəhər əhalisinin xidmətə əlçatanlığını təmin edəcək”.
