Bu gün Füzuli şəhərinə müvəqqəti məskunlaşmış ailələrdən ibarət növbəti köç karvanı yola salınıb. Bu haqda 22 aprel tarixində Sumqayıt24 Oxu.az-a istinadən məlumat verir.
Paytaxtın Qaradağ rayonundan yola düşən köç karvanında Sumqayıt şəhərindən 5 ailə (22 nəfər), Bakı şəhərindən 24 ailə (115 nəfər), Füzuli rayonundan 4 ailə (10 nəfər), Beyləqan rayonundan 3 ailə (12 nəfər), Abşeron rayonundan 2 ailə (7 nəfər), Şamaxı rayonundan 1 ailə (6 nəfər) olmaqla ümumilikdə 39 ailə (172 nəfər) köçürülür.
Xatırladaq ki, indiyədək Füzulidə 705 ailənin, yəni 2689 nəfərin daimi məskunlaşması təmin edilib.
