Naməlum şəxslər Bakı–Sumqayıt qatarına daş atıblar. Sumqayıt24 bu haqda 18 aprel tarixində Daxili İşlər Nazirliyinə (DİN) istinadən xəbər verir.
Hadisə Sumqayıt şəhəri ərazisində baş verib. Nəticədə vaqonun qapısının şüşəsi sındırılıb. Həmçinin qatar gecikib və sərnişinlər narahatlıq keçiriblər.
Dəmiryolu Nəqliyyatında Polis İdarəsinin Sabunçu Xətt Polis Şöbəsinin əməkdaşları hadisəni törədən 3 azyaşlını valideynləri ilə birlikdə Polis Şöbəsinə gətiriblər. Onlarla profilaktik söhbətlər aparılıb, uşaqların üzərində nəzarəti gücləndirməyin vacibliyi vurğulanıb.
Araşdırmalar aparılır.
