Sumqayıt şəhərində Xüsusi Təyinatlı Qüvvələrin şəhidlərinin ailələri və qaziləri üçün tibbi aksiya keçirilib. Sumqayıt24 bu haqda 1 aprel tarixində xəbər verir.
Sumqayıt, Bakı, Quba, Xaçmaz, Şabran və digər bölgələrdə yaşayan 150 vətəndaş yüksək ixtisaslı kardioloq, radioloq, terapevt, pediatr, dermatoloq, nevroloq, endokrinoloq, cərrah, stomatoloq, reabilitoloq, fizioterapevt ginekoloq, psixoloq tərəfindən müayinə edilib.
Xəstələrə müalicə kursları təyin olunub, yerində məsləhətlər verilib. Həmçinin sağlamlıq vəziyyəti ağır şəxslərin müayinədən keçmələri, ehtiyac yarandıqda isə cərrahi əməliyyatların aparılmasına dəstək veriləcək.
Aksiyada 20 ixtisas üzrə 34 könüllü həkim, Azərbaycan Tibb Universitetinin tələbələri, “Unikal” klinikasının həkim və tibb personalı iştirak ediblər.
