Sumqayıtda 17 iyun – Tibb İşçilərinin Peşə Bayramı Günü qeyd olunub. Sumqayıt24 bu haqda 17 iyun tarixində xəbər verir.
Sumqayıt Tibb Mərkəzi (STM) və İcra Hakimiyyəti ümumşəhər tədbiri keçirib. Burada STM-in tabeliyində olan tibb müəssisələrinin rəhbərləri və səhiyyə işçiləri iştirak ediblər.
Mərkəzin direktoru Elnur Azadxanov və icra başçısının birinci müavini Teymur Səmədov bütün tibb işçilərini peşə bayramları münasibətilə təbrik edib, onlara gələcək fəaliyyətlərində uğurlar arzulayıblar.
Çıxışlardan sonra İcra Hakimiyyəti başçısının təltif etdiyi bir qrup səhiyyə işçisinə, eyni zamanda Sumqayıt Tibb Mərkəzinin rəhbərliyi tərəfindən mükafatlandırılan əməkdaşlara fəxri fərmanlar t’qdim olunub.
Tədbir konsert proqramı ilə davam edib.
