Sumqayıt Kimya Sənaye Parkının (SKSP) rezidenti tədarükü artıracaq. Sumqayıt24 bu haqda 1 iyun tarixində xəbər verir.
“UPI – Universal Packing Industry” QSC-nin aylıq karton istehsal etmə gücü 200 min kvadratmetrdir. Zavod həcmi 500 min kvadratmetrə çatdırmaq üçün Çin və Türkiyədən yeni avadanlıqlar sifariş edib. Təxminən 3 aydan sonra qoyulan hədəfə çatılacağı gözlənilir.
Qida məhsulları, məişət texnikası və s. qablaşdırılması üçün istifadə edilən kartonlar sifarişlərdən asılı müxtəlif ölçüdə hazırlanır. Hazırda bəzi avadanlıqların olmaması kartonları yapışdırmağa və presləməyə imkan vermir. Yeni avadanlıqlar quraşdırıldıqdan sonra isə QSC bu prosesləri də yerinə yetirəcək, istehsal həcmi və sifarişlərinin sayını artıra biləcək.
