Azərbaycan Yazıçılar Birliyinin (AYB) Sumqayıt bölməsinin əməkdaşı yeni vəzifəyə təyinat alıb. Bu haqda 29 mart tarixində Sumqayıt24 Bakupost.az-a istinadən məlumat verir.
Bununla bağlı AYB-nin sədri Anar Rzayev əmr imzalayıb. Əmrə əsasən, AYB-nin Sumqayıt bölməsinin məsləhətçisi Xatirə Fərəcli AYB İdarə Aparatında Multikultural məsələlər üzrə rəhbər vəzifəsinə təyin olunub.
2002-ci ildən AYB-nin üzvü olan X.Fərəcli hal-hazırda AYB-nin Həmkarlar Şurasında "Sağlamlıq və İdman” komissiyasının sədri, AYB-də "İrs” komissiyasının üzvü, "Zərif” Qadın Ədəbi Məclisinin sədri, həmçinin "Mədəni İnkişafın Təbliği” İctimai Birliyinin təsisçisi və sədri, "mitmedia.az” saytının təsisçisi və rəhbəri, Prezident mükafatçısıdır.
X.Fərəclinin Sumqayıt şəhərinin ictimai-mədəni həyatında uzun illər xidmətləri olub.
