H.Z. Tağıyev qəsəbəsinin dəniz sahilində “Kiçikhəcmli gəmilərin təhlükəsiz istismarı” mövzusunda tədbir keçirilib. Sumqayıt24 bu haqda 30 may tarixində Fövqəladə Hallar Nazirliyinə (FHN) istinadən xəbər verir.
Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları kiçikhəcmli gəmi istifadəçilərinə, o cümlədən balıq və digər su bioresurslarının sənaye ovunu həyata keçirən balıqçılıq subyektlərinə bu tip gəmilərin təchizat avadanlıqlarından danışıblar.
Kiçikhəcmli gəmilərə texniki nəzarətin tələblərinə dair normalar izah olunub, su nəqliyyatı vasitələrinin texniki baxışdan keçirilməsinin və sürücülük vəsiqələrinin alınmasının vacibliyi diqqətə çatdırılıb. Eyni zamanda sürücülər xilasedici vasitələrdən, naviqasiya avadanlıqlarından istifadə qaydaları ilə bağlı da maarifləndiriliblər.
