33 nömrəli məktəbdə uzun müddət pedaqoji fəaliyyətlə məşğul olan Məhəmməd Vəliyevin 80 illik yubileyi qeyd olunub. Bu haqda 13 mart tarixində Sumqayıt24 ŞİH-yə istinadən məlumat verir.
Tədbirdə şəhər icra başçısının birinci müavini Teymur Səmədov, Abşeron–Xızı Regional Təhsil İdarəsinin şəhər təhsil sektorun müdiri İman Ağayev, ictimaiyyət nümayəndələri və məktəbin kollektivi iştirak edib.
Çıxış edən Teymur Səmədov yubilyara təhsil sahəsindəki xidmətləri yalnız Sumqayıt üçün deyil, bütövlükdə Azərbaycan təhsil sistemi üçün də əhəmiyyətli olduğunu qeyd edib.
Məhəmməd Vəliyev 1968-ci ildə pedaqoji fəaliyyətlə başlayıb. 10-dan çox kitab müəllifi olan Vəliyev təhsil sahəsindəki xidmətlərinə görə müxtəlif mükafatlara layiq görülüb.
Tədbirdə yubiliyara şəhər İcra Hakimiyyətinin Fəxri Fərmanı təqdim olunub.
