Sumqayıt mətbuatına ağır itki üz verib. Bu haqda 1 mart tarixində Sumqayıt24 xəbər verir.
Uzun illər Sumqayıtda yaşamış jurnalist Bəhmən Abuşov 74 yaşında dünyasını dəyişib.
Bəhmən Abuşov 1974-cü ildən mətbuat sahəsində çalışıb. 1980-1994-cü illərdə “Sintez” qəzetinin redaktoru olub. Sonra uzun müddət “Üzvi Sintez” zavodunun radio verilişləri redaksiyasının redaktoru olub. "Azərbaycan kimyaçısı” qəzetinin “Üzvi Sintez” zavodu üzrə xüsusi müxbiri kimi fəaliyyət göstərib. Redaktor fəaliyyəti dövründə əsl jurnalistika məktəbi yarada bilib. 1977-ci ildən Jurnalistlər Birliyinin üzvü idi.
