Sumqayıtda yaşayış kompleksinin yaxınlığında aparılan tikinti işləri sakinlərin istirahətinə mane olur. Bu haqda 12 mart tarixində Sumqayıt24 Xeberle.com-a istinadən məlumat verir.
Şəhərin Sülh küçəsində yerləşən "Sumqayıt Bağça Şəhər" yaşayış kompleksinin tikintisi fasiləsiz həyata keçirilir. Kompleksin arxa hissəsində aparılan inşaat işləri gündüz vaxtı ilə yanaşı, gecə saatlarından səhər saatlarına kimi də davam edir. Şikayətçilərin sözlərinə görə, onların normal yaşayış şəraiti pozulur. Xüsusilə gecə vaxtı görülən işlərin səsi sakinlərin istirahətini pozur. Məsələ ilə bağlı DİN-in 102 qaynar xəttinə də şikayət edilib.
