Sumqayıtda dəniz kənarında Mikayıl Müşfiq anılıb. Sumqayıt24 bu haqda 8 iyun tarixində xəbər verir.
Tədbir Sumqayıt Dövlət Rəsm Qalereyası və Azərbaycan Yazıçılar Birliyi Sumqayıt bölməsi tərəfindən təşkil olunub. Sumqayıtlı peşəkar və gənc rəssamlar Xəzərin sahilində Müşfiqin əziz xatirəsinə etüd keçiriblər.
İcra Hakimiyyətinin Humanitar məsələlər üzrə şöbəsinin müdiri Fərman Kazımov, AYB-nin mətbuat katibi, Müşfiq Komissiyasının sədri şair Xəyal Rza, AYB-nin Sumqayıt bölməsinin sədri Gülnarə Camaləddin, Rəsm Qalereyasının direktoru Ellada Həsənova, şair və yazıçılar Mikayıl Müşfiq haqqında maraqlı faktlar səsləndiriblər.
Sonra dənizə tər qərənfillər səpilib. Q. Qarayev adına 1 nömrəli musiqi məktəbinin kollektivi musiqi nömrələri ilə çıxış edib.
