Sumqayıtlı karateçi Rafael Ağayevin doğum günüdür. Sumqayıt24 bu haqda 4 mart tarixində xəbər verir.
Dünyaca məşhur idmançımız 4 mart 1985-ci ildə anadan olub. O, 7 yaşından futbolla məşğul olub, sonra isə Rəfael Məmmədovun rəhbərliyi altında karate məşqlərinə başlayıb. Məşqçi ona karate üzrə ilk vərdiş və bacarıqları aşılayıb.
İlk milli yarışlarda iştirak etməklə o, diqqəti özünə çəkib və ən məşhur idman klublarından biri “Budokan”da məşqlərini davam etdirib.
Rafael parlaq karyerası ərzində 5 dəfə dünya, 12 dəfə Avropa çempionu, Olimpiya oyunları ikincisi olub. “Karate Combat” turnirində qalib gəlib. Dünyanın dörd bir yerində seminarlar keçirib.
İdmançımız son yarım əsrin ən yaxşı karateçisi seçilib. 39 yaşı tamam olan “Qara brilyant” Ginnesin rekordlar kitabına düşüb.
Həmçinin Rafael Ağayev Baş Gömrük Mühafizə Xidmətində Döyüş və fiziki hazırlığın təşkili şöbəsinin rəisi təyin edilib. Bundan əlavə, ona mayor rütbəsi də verilib. Ötən ay isə ona Azərbaycan Karate Federasiyasının (AKF) WKF üzrə vitse-prezidenti vəzifəsi tapşırılıb.
Sumqayit24.az kollektivi karateçini təbrik edir, gələcək karyerasında uğurlar arzulayır!
