Yeni Azərbaycan Partiyası (YAP) şəhər təşkilatında debat turniri başa çatıb. Bu haqda 26 aprel tarixində Sumqayıt24 xəbər verir.
“Yaşıl dünya naminə həmrəylik ili” çərçivəsində keçirilən turnirin ümumi devizi “Ekoloji layihələrin həyata keçirilməsi və ətraf mühitin qorunması” olub.
Əvvəlcə Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Çıxış edənlər BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər bir tədbirin Azərbaycanda keçirilməsini beynəlxalq ictimaiyyət tərəfindən Azərbaycana böyük hörmət və etimadın göstəricisi kimi qiymətləndiriblər.
Daha sonra Sumqayıt Dövlət Universitetinin (SDU) tələbələrindən ibarət “Ekoritm” və “Yaşıl dalğa” komandaları arasında turnirin final mərhələsi keçirilib, qaliblərə sertifikatlar təqdim olunub. Tədbirin sonunda YAP-nin Himni səsləndirilib.
