Sumqayıtın icra başçısı Zakir Fərəcov növbəti dəfə səyyar qəbul keçirib. Bu haqda 1 mart tarixində Sumqayıt24 xəbər verir.
Şəhərin 4-cü mikrorayonunda təşkil olunan görüşdə İcra Hakimiyyətinin məsul şəxsləri, idarə, müəssisə və təşkilatların rəhbərləri və sakinlər iştirak ediblər.
Sakinləri fərdi qaydada dinləyən şəhər rəhbəri qaldırılan məsələlərin bir qismini yerindəcə həll edib. Bəzi müraciətlərin isə araşdırılması və həlli üçün müvafiq qurumların rəhbərlərinə tapşırıqlar verilib.
