Corat bağları yaşayış massivini çirkab sular basıb. Sumqayıt24 bu haqda 8 yanvar tarixində Xəzər Xəbər-ə istinadən xəbər verir.
Kanalizasiya suları səbəbindən yollar keçilməz olub. İnsanlar, əsasən, küləkli havada yayılan üfunətə görə evlərin pəncərələrini açıq qoya bilmirlər.
Onların sözlərinə görə, problem illərdir davam edir. Dəfələrlə aidiyyəti qurumlara müraciət ünvanlanıb. Lakin heç bir faydası yoxdur. Sakinlər kanalizasiya xətlərini bir neçə dəfə öz imkanları hesabına qursalar da, son vaxtlarda problem daha da böyüyüb.
Bağlar Sukanal İdarəsi məsələyə dair açıqlama verib. Bildirilib ki, əvvəllər vətəndaşların şikayəti əsasında əraziyə baxış keçirilib:
“Fərdi yaşayış sahələrinin yerləşdiyi ərazidə “Azərsu” ASC-yə aid kanalizasiya şəbəkəsi yoxdur. İstismar olunan şəbəkəni isə əhali kustar üsülla pərakəndə şəkildə inşa edib. Əvvəllər qeyd olunan boru xətti ilə nəql edilən çirkablar yaxınlıqdakı gölməçəyə axıdılırdı. Sonra boru “Azərsu” tərəfindən tikilən magistral kollektora birləşdirilib. Şəbəkənin yenidən qurulması tədbirlər planına salınıb”.
