Dahi şair Mikayıl Müşfiqin adını daşıyan küçədə antisanitariya vəziyyəti hökm sürür. Sumqayıt24-ə bu barədə 12 aprel tarixində məlumat daxil olub.
H.Z. Tağıyev qəsəbəsində yerləşən sözügedən küçədə zibil konteynerləri olsa da, bəzi sakinlər məişət və qida tullantılarını qarajların içinə atırlar. Bununla da onlar, ətrafa kəskin qoxunun yayılmasına səbəb olurlar.
“Bəzi insanlar evlərindən gətirdiyi zibili gördüyünüz qarajlara doldururlar. Baxmayaraq ki, yaxınlıqda bir neçə konteyner var. Ora getməyə tənbəllik edirlər”, - narazı sakinləri bildirib.
