Bakı-Quba yolunun Sumqayıtdan keçən hissəsində piyada keçidinin olmaması sakinləri narahat edir. Bu haqda bu gün, 2 iyun tarixində oxucular Sumqayıt24-ə xəbər verib.
Məlumata əsasən, “Qağayı” abidəsinin yaxınlığında olan yoldan gün ərzində yüzlərlə vətəndaş istifadə edir. Yolun bu hissəsində avtomobillər yüksək sürətlə hərəkət etdiyindən, sakinlər yolu təhlükəsiz şəkildə keçə bilmir.
“Sumqayıtın kruqu dediyimiz yerdən “MERO” istiqamətində piyada keçidləri yoxdur. Cavanlar birtəhər qaçaraq keçir, lakin ağır sumkası olan qadın və yaşlıların oradan keçməyi çox böyük riskdir” , - deyə oxucu bildirib. [modula id="16085"]
