Saray qəsəbəsində avtomobillərin intensiv hərəkət etdiyi yoldan şikayət var.
Sumqayit24.az-a daxil olan məlumata görə, Saray MTK-da piyada keçidinin və avtobus dayanacaq zonası xətlərinin olmaması sürücülərin ciddi narazılığına səbəb olub.
Məlumata görə, piyada keçidi və dayanacaq zolağının olmaması həm piyadaların, həm də nəqliyyat vasitələrinin hərəkətinə təsir edir, ərazidə tıxac yaradır.
"Məsələ ilə bağlı üç dəfə Azərbaycan Yerüstü Nəqliyyat Agentliyinə müraciət etmişəm. Müraciətimə cavab olaraq problemin həll ediləcəyi bildirilib, lakin artıq 4 aydır ki, məsələnin həlli istiqamətində heç bir addım atılmır", - deyə qəsəbə sakini bilidirib.
Qeyd edək ki, sözügedən məsələ ilə bağlı müvafiq quruma sorğu ünvanlanıb.
