Sumqayıt Dövlət Universitetinin (SDU) məzunu Xocavənd İcra hakimiyyətinə təyinat alıb.
Sumqayit24.az xəbər verir ki, Vüsal Şirinov Xocavənd Rayon İcra Hakimiyyəti başçısının Yeni Xocavənd qəsəbə inzibati ərazi dairəsi üzrə nümayəndəliyinin katibi vəzifəsinə təyin edilib.
Xocavənd rayon Qaradağlı kənd sakini, Vüsal Şirinov 7 avqust 2000-ci il tarixində anadan olub. 2006-ci ildə birinci sinfə gedib və 2017-ci ildə Xocavənd 4 saylı tam orta məktəbdən məzun olub. 2017-2021-ci illərdə Sumqayıt Dövlət Universitetində Menecment ixtisası üzrə təhsil alıb.
Vüsal Şirinov Azərbaycan Respublikasının Dövlət İmtahan Mərkəzi tərəfindən vakant dövlət qulluğu vəzifələrinin tutulması məqsədilə 23 sentyabr 2024-cü il tarixində elan edilən müsabiqənin müsahibə mərhələsindən 4 fevral 2025-ci il tarixində müvəffəqiyyətlə keçib və ehtiyat kadrlar siyahısına daxil edilib. Müvafiq vəzifə vakant olduğu üçün Xocavənd Rayon İcra Hakimiyyəti başçısının Yeni Xocavənd qəsəbə inzibati ərazi dairəsi üzrə nümayəndəliyinin katibi vəzifəsinə təyin edilib.
