Son zamanlar qəribə biznes forması yaranıb.
Belə ki, bəzi şəxslər qəbiristanlıqda boş torpaq sahəsi alır və bir müddət sonra onu daha baha qiymətə satmağa başlayırlar.
Sumqayıt qəbiristanlığında da vətəndaşlardan öz yaxınına torpaq sahəsi alarkən çox yüksək qiymətlər tələb olunub.
"Bir ay əvvəl 2000 manata torpaq aldım. Kasıb oğlanam. 2000 manata torpaq olar? Nəyə görə? Hansı əsasla? Anam rəhmətə getdi, dəfn etməli deyiləm? Bir ay keçdi. Qonşu dünyasını dəyişdi, 3500 dedilər. Yəni bu, açıq bir biznesdir. İnsan ölməyə də qorxur. Ölsəm, məni kim basdıracaq?", – vətəndaş deyib.
Məsələ ilə bağlı Sumqayıt bələdiyyəsindən bildirilib ki, şəhər qəbiristanlığı ərazisində hər hansı vətəndaşın qanunsuz torpaq zəbt etməsi və həmin sahələri açıq şəkildə satışa çıxarması araşdırılacaq.
Daha ətraflı Baku Tv-nin süjetində.
