Sumqayıt şəhəri, 12-ci mikrorayon sakinlərinin su dərdi bitmir.
Sumqayit24.az-a müraciət edən vətəndaşlar mikrorayon ərazisindəki mənzillərə suyun əcaib qrafiklə verildiyini bildirirlər. Onların sözlərinə görə, ötən ay redaksiyamız tərəfindən problem işıqlandırıldıqdan sonra müvafiq qurum məsələyə əncam çəksə də, bu, cəmi bir həftə davam edib.
İndi isə suyun verilişində "köhnə hamam, köhnə tas" qaydası davam edir. Saatlarla, hətta günlərlə su üzünə həsrət qalan insanlar bu dəfə problemin kökündən həll ediləcəyinə ümid edirlər.
