Xəbər verdiyimiz kimi, Sumqayıtda 47-ci məhəllə ərazisindəki yaşayış binalarının birində partlayış hadisəsi baş verib.
Belə ki, partlayış nəticəsində 1994-cü il təvəllüdlü Verdiyev Elçin Varyat oğlu və 1973-cü il təvəllüdlü İxtiyarov İxtiyar Ağayar oğlu xəsarət alıb.
Sumqayit24.az-ın sorğusuna Sumqayıt Tibb Mərkəzindən bildirildi ki, 12.03.2026-cı il tarixində saat 21:20 radələrində Sumqayıt Tibb Mərkəzinin Təcili Tibbi Yardım Xəstəxanasına 2 nəfər (kişi) hospitalizasiya olunub:
"Pasiyentlərə baş və boyun nahiyəsinin termiki, kimyəvi yanıqları, yuxarı ətraf və çiyin qurşağı nahiyəsinin (bilək və əl istisna olmaqla) termiki və kimyəvi yanıqları, həmçinin tənəffüs yollarının termiki və kimyəvi yanıqları diaqnozları təyin edilib.
Zəruri tibbi xidmətlər göstərilən hər iki şəxs daha ixtisaslı tibbi xidmət almaq üçün Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub".
***
Sumqayıt şəhərində evdə partlayış hadisəsi baş verib.
Report.az-ın məlumatına görə, hadisə şəhərin 47-ci məhəllə ərazisindəki yaşayış binalarının birində qeydə alınıb.
Partlayış nəticəsində 1994-cü il təvəllüdlü Verdiyev Elçin Varyat oğlu və 1973-cü il təvəllüdlü İxtiyarov İxtiyar Ağayar oğlu xəsarət alıb.
Onlar dərhal xəstəxanaya çatdırılıblar.
Faktla bağlı araşdırma aparılır.
