Sumqayıtda yaşayış binalarının birinin həyətində təhlükəli vəziyyət yaranıb.
Sumqayit24.az-a daxil olan məlumata görə, 16-cı məhəllədə yerləşən yaşayış binasının ərazisində vəziyyət ciddi narahatlıq doğurur.
Fotolardan da göründüyü kimi, elektrik naqilləri ətrafa səpələnib. Elektrik dirəyinin də aşması an məsələsidir.
"Mövcud vəziyyət ciddi təhlükə mənbəyinə çevrilib. Xüsusilə uşaqların və yaşlı şəxslərin burada hərəkətini nəzərə alsaq, mümkün faciənin qarşısının vaxtında alınması vacibdir", - deyə yerli sakinlərdən biri bildirib.
Vətəndaşlar aidiyyəti qurumlardan əraziyə baxış keçirilməsini və problemin operativ şəkildə aradan qaldırılmasını tələb edirlər.
