Sumqayıtda yol-nəqliyyat hadisəsi qeydə alınıb. Bu haqda Sumqayıt24 yanvarın 6-da Apa-ya istinadən məlumat verir.
Sumqayıt şəhər sakini, 62 yaşlı Nazim Əliyevin idarə etdiyi "Mercedes" markalı sərnişin avtobusu ilə həmşəhərlisi, 51 yaşlı Elxan Məmmədovun sükanı arxasında olduğu eyni markalı marşrut mikroavobusu toqquşub. Nəticədə 4 nəfər xəsarət alıb.
Hadisə zamanı xəsarət alanların 38 yaşlı Elmina Məmmədova, 51 yaşlı Vəfa Adıyeva, 17 yaşlı Sevda Məmmədli və 26 yaşlı Türkan Atakişiyeva olduqları bildirilib.
Faktla bağlı araşdırma aparılır.
