Sumqayıtlı karateçi beynəlxalq turnirdə yüksək nəticə göstərib.
Sumqayit24.az-a daxil olan məlumata görə, Azərbaycan Karate Federasiyasının təşkilatçılığı ilə 10-12 aprel 2026-cı il tarixlərində Bakı şəhərində keçirilən "Grand Prix" beynəlxalq karate turnirində yerlimiz Nuray İbadova da iştirak edib.
24 saylı tam orta məktəbin 11-ci sinif şagirdi Nuray İbadova yarışda yüksək nəticə göstərərək birinci yerə layiq görülüb. Karateçimiz Fövqəladə Hallar Nazirliyinin (FHN) İdman-sağlamlıq klubunun yetirməsidir və onun məşqçisi Murad Hacızadədir.
Onu da əlavə edək ki, beynəlxalq turnirdə 6 ölkəni təmsil edən 700-ə yaxın idmançı iştirak edib.
